Myndbönd og upplestrar

Einhliða lípógram sem var fyrst breytt í hljóðaljóð og síðan í þetta myndband, sem vann til aukaverðlauna á Zebra International Poetry Film Festival í Berlín árið 2010. 

Úr órum Tobba, sem hefur ekki birst á prenti, flutt á ljóðahátíðinni Dagar ljóðs og vína í Ptuj í Slóveníu. 

Ýlfur eftir Allen Ginsberg í þýðingu EÖN flutt í heild sinni. Tónverk: Gímaldin. Kom upprunalega út á geisladisknum Á íslensku má alltaf finna Ginsberg – sennilega 2003. 

Opnunarkvæði bókarinnar Hnefi eða vitstola orð. Samið, flutt og anímerað haustið 2008 í miðjum hrunofsa. 

Eins og hálfs tíma performans með hinum fullkomlega einstæðu hljóðaljóðskáldum Leevi Lehto, Cia Rinne, Adachi Tomomi og Jaap Blonk í Kiasma listasafninu í Helsinki. 

Svo sem ekki merkilegt – en mér hefur alltaf þótt þetta skemmtilegt. 

Collage-ljóð úr bókinni Blandarabrandarar. Flutt með ímynduðum norskum hreim. 

Ljóðið er unnið upp úr frétt þar sem ólíkir álitsgjafar voru spurðir um fegursta stað á Íslandi. Myndbandið var gert fyrir ljóðahátíðina Suttung.

Fundið ljóð. Var upprunalega pólitísk grein í blaði. Sennilega mogganum. 

Einu sinni fékk ég að lesa upp með Hönnuh Silva, sem er einhver skemmtilegasti performer sem ég þekki. Þetta var einhvern tíma þegar ég var gestur Stevens Fowler í Englandi og þátttakandi í Enemies-seríunni. 

Ljóð um það hvernig ég ímynda mér betri heim úr Óratorreki var valið til flutnings í verkefni Þjóðleikhússins, Ljóð fyrir þjóð. Hilmir Jensson las fyrir Davíð Ólafsson. 

Ljóð um hörmungar úr Óratorreki lesið heima í eldhúsi fyrir ljóðahátíð í Marseille. Ljóðið kom út í franskri þýðingu Erics Boury í bæklingi á vegum tímaritsins Muscle. 

Upplestur á tveimur hljóðaljóðum úr Einræðisherraseríunni. Lesið fram á gangi fyrir performans á Rich Mix Centre í London. 

Naglasúpa I-IV úr Blandarabröndurum flutt ásamt hljómsveitinni Reykjavík! Sennilega er þetta tekið upp á Ljóðahátíð Nýhils, en var flutt við nokkur ólík tilefni. 

Metnaðarfullt en sæmilega misheppnað myndbandsverk upp úr textum úr Hnefi eða vitstola orð (mörgum árum áður en bókin kom út). 

Í fyrstu bylgju Covid fékk Bandalag Háskólamanna mig til þess að flytja hugvekju. Úr varð þetta myndbandsverk. 

Ljóð úr Einræðisherraseríunni flutt (með aðstoð Ableton Live og einhverrar effektasúpu) á íslenskri listahátíð í Bozar-miðstöðinni í Brussel. 

Ljóð ort fyrir vinkonu mína. Óbirt. Flutt á Alþjóðlegu ljóðahátíðinni í Osló. 

Pol Pot, úr Einræðisherraseríunni, flutt í Kiljunni. 

Naglasúpan flutt með stuðningi tölvunnar á Lyd+Literatur í Árósum. 

Eitt allsherjar ógurlega mikið (óbirt ljóð ort fyrir Kevin Connolly) flutt Runoviikko í Turku. 

Swing Ding (Deng Xiaoping) flutt í Loga í beinni. 

Tónskáldið Páll Ragnar Pálsson breytti ljóðinu Hýperbólusetning úr Þjónn, það er fönix í í öskubakkanum mínum í þetta tónverk.