top of page

Lagið um Frankensleiki


Úr hljóðveri Frankensleikis, Gleiðarhjalla 12.

Í nótt kom fyrsti jólasveinninn til byggða – sem samkvæmt kanónu Frankensleikis er þá fóturinn á Stekkjarstaur (með líkamshluta bræðra sinna saumaða við sig). Hafði uppvakningurinn með sér tónsmíð þá er hlýða má á með því að smella á spilunarhnappinn hér að neðan. Lagið er væntanlegt á allar helstu tónlistarveitur sem og á öldur ljósvakans.


Lag, texti og hljóðfæraleikur: Eiríkur Örn Norðdahl

Nema gítarsóló: Frankensleikir

Mastering: Orri Harðarson


FRANKENSLEIKIR


Á himni grær

jólasnjór


fellur tær

á frosna jörð.


Rauður skór

í glugga býr


von er á

jóladrauginum.



Í kaldri gröf

hvílir karl


bíður eftir

kvöldinu


er skríða fær

úr kistunni


og fylla alla skó

af gulli og gersemum.



Frankenslei-ei-ei-eikir (já það er ég)

Frankenslei-ei-ei-eikir (enginn venjulegur jólasveinn)

Frankenslei-ei-ei-eikir (á leið til byggða)

Kemur í kvöld (gleðileg jól)



Heima í bæ

byltir sér


stúlka kær

á sænginni.


Andvaka

og óróleg


bíður eftir

jólagrafargestinum.


Upp úr moldinni

teygir sig


rotin hönd

og alblóðug


saumað hold

sárum prýtt.


Nú runnið er

upp jólakvöld.



Frankenslei-ei-ei-eikir (já hvað heldur þú?)

Frankenslei-ei-ei-eikir (halló bátar halló skip)

Frankenslei-ei-ei-eikir (nú kemur karlinn)

Kemur í kvöld!


Frankenslei-ei-ei-eikir (hver annar?)

Frankenslei-ei-ei-eikir (jólajólajólajóla)

Frankenslei-ei-ei-eikir (guð, hvað ég hlakka til)

Kemur í kvöld


Óhugnaður, horbjóður

uppvakinn og algóður


Gjafmildur og hugljúfur

er hann afturgenginn

eða kannski æðisgenginn


Frankenslei-ei-ei-eikir (jólin bara á næsta leiti)

Frankenslei-ei-ei-eikir (eitthvað í alla skó)

Frankenslei-ei-ei-eikir (bæði hægri og vinstri!)

Kemur í kvöld


Frankenslei-ei-ei-eikir (má ég taka gítarsóló)

F rankenslei-ei-ei-eikir

Frankenslei-ei-ei-eikir

Kemur í kvöld


Frankenslei-ei-ei-eikir (langbesta þjónustan)

F rankenslei-ei-ei-eikir (þrettán daga í röð)

Frankenslei-ei-ei-eikir (allt fyrir börnin )

Kemur í kvöld (gleðileg jól)



77 views0 comments

Recent Posts

See All

Fáðu tilkynningu þegar bloggið er uppfært:

frankensleikir.jpeg
bottom of page