Um höfunda efnis

a.rawlings er kanadískt ljóðskáld, ritstjóri og fjöllistamaður. Hún var tilnefnd til Gerard Lampert verðlaunanna fyrir fyrstu bók sína, Wide Slumber for Lepidopterists, sem fór á lista yfir 100 bestu bækur ársins 2006 hjá The Globe and Mail. a.rawlings var gestur ljóðahátíðar Nýhils árið 2007.

Arngrímur Vídalín er hafnfirskt ljóðskáld og bókavörður. Fyrsta ljóðabók hans, Endurómun upphafsins, kom út hjá Nykri árið 2006. Áður hafði hann gefið út smáritið Suttungamiði skilað. Arngrímur er, ásamt Jóni Erni Loðmfjörð, umsjónarmaður bókmenntaþáttarins Garðskálinn.

Áræði er samstarfsverkefni nokkurra skálda og myndlistarmanna sem hófst fyrir um það bil þremur árum og stendur enn yfir.

Bryndís Björgvinsdóttir er íslenskur rithöfundur og ritstjóri. Hún gaf út tímaritið Reykvískt eðalefni 2006-2007 og ritstýrir nú Stúdentablaðinu. Bryndís nemur þjóðfræði við Háskóla Íslands.

Charles Bernstein er bandarískt skáld og gagnrýnandi. Nýjasta ljóðabók hans nefnist Girly Man, en hann hefur gefið út um 40 bækur með ljóðum og ritgerðum á álíka mörgum árum. Bernstein er prófessor í ensku og samanburðarbókmenntum við University of Pennsylvania.

derek beaulieu er kanadískt ljóðskáld, gagnrýnandi og ritstjóri. Hann hefur m.a. gefið út ljóðabækurnar Fractal Economies, Flatland og Chains. Frekar er hægt að fræðast um beaulieu á The Electronic Poetry Center. beaulieu var gestur ljóðahátíðar Nýhils árið 2006.

Eiríkur Örn Norðdahl er íslenskur þýðandi, rithöfundur og ljóðskáld. Von er á nýjustu ljóðabók hans, Ú á fasismann, frá Máli & menningu á næstu vikum, sem og þýðingum á völdum ljóðum Allens Ginsberg. Eiríkur hlaut íslensku þýðingaverðlaunin 2008.

Gary Barwin er rithöfundur, tónskáld og ljóðskáld frá Kanada. Hann kennir skriftir við McMaster University og tónlist við Hillfield Strathallan College.

Haukur Már Helgason er íslenskur rithöfundur, þýðandi og ljóðskáld. Síðasta bók hans var skáldsagan Svavar Pétur & 20. öldin, sem kom út hjá Nýhil 2006. Hann nemur heimspeki við Háskóla Íslands.

Hugh Thomas er ljóðskáld, þýðandi og stærðfræðingur frá Kanada. Hann hefur birt ljóð í fjölda tímarita og gaf út smáritið Mutations hjá BookThug árið 2006. Thomas vinnur að mestu með svonefndar „naífar þýðingar“, þar sem hann þýðir og túlkar úr tungumálum sem hann skilur ekki, að minnsta kosti í hefðbundnum skilningi.

Jon Høyer er danskt ljóðskáld, rithöfundur og fyrrverandi dönskulektor við Háskóla Íslands (1996-1999). Fyrsta bók hans var Den lukkede vej, sem er ljóðsaga byggð á Egils sögu Skallagrímssonar.

Jón Örn Loðmfjörð er stafrænuskáld og framkomulistamaður. Meðal helstu verka hans má nefna ljóðavélina Gogga, sem skrifar ljóð á íslensku, ensku og finnsku, og Dadda sem er klippiljóðavél.

K. Silem Mohammad er amerískt ljóðskáld sem tilheyrir The Flarf Collective. Meðal bóka hans er Deerhead Nation.

Kári Páll Óskarsson er höfundur ljóðabókarinnar Oubliette, auk þess sem hann ritstýrði þýðingasafninu Gáttir, sem kom út í tengslum við ljóðahátíð Nýhils 2008. Von er á nýrri ljóðabók Kára frá Nýhil á næstu vikum.

Kári Tulinius er íslenskt ljóðskáld. Hann er búsettur í Providence, Rhode Island.

Kristín Eiríksdóttir er íslenskt ljóðskáld og þýðandi. Bækur hennar hafa vakið mikla athygli, en sú nýjasta, Annars konar sæla, er nýkomin út hjá Máli & menningu.

Linh Dinh er amerískt ljóðskáld af víetnömskum ættum. Hann hefur fengist við ljóðlist sem skyld er flarfi, en tilheyrir þó ekki flarfhópnum. Meðal bóka hans er Borderless Bodies.

Marko Niemi er finnskt stafrænuskáld og ritstjóri ljóðavefsins Nokturno.org.

Nada Gordon er amerískt ljóðskáld sem tilheyrir The Flarf Collective. Meðal bóka hennar er Folly.

Nina Søs Vinther er danskt ljóðskáld, ritstjóri og þýðandi. Nýjasta bók hennar nefnist Hvis Helsinki. Hún var gestur ljóðahátíðar Nýhils árið 2008.

Projektet Anonyme Breve

Rita Dahl er finnskt ljóðskáld sem fengist hefur við ljóðlist sem skyld er amerísku flarf-ljóðlistinni. Nýjasta bók hennar nefnist Aforismien aika.

Rodney Koeneke er amerískt ljóðskáld sem tilheyrir The Flarf Collective. Meðal bóka hans er Musée Mechanique.

Shanna Compton er amerískt ljóðskáld sem tilheyrir The Flarf Collective. Nýjasta bók hennar nefnist For Girls (& Others).

Sharon Mesmer er amerískt ljóðskáld sem tilheyrir The Flarf Collective. Meðal bóka hennar er Annoying Diabetic Bitch.

Stan Apps er amerískt ljóðskáld sem tilheyrir The Flarf Collective. Meðal bóka hans er Info Ration.

Steinar Bragi Guðmundsson er rithöfundur og ljóðskáld. Fyrsta bók hans, Svarthol, kom út árið 1998. Hann var tilnefndur til Blóðdropans fyrir skáldsöguna Hið stórfenglega leyndarmál heimsins.

Una Björk Sigurðardóttir er ljóðskáld og myndlistarmaður. Bókin Ævintýri sjúklegu stelpunnar kom út árið 2007.