Kurrar í kólibrífugli » ný ljóð

Frelsið er eins og hryllingsmynd

Eiríkur Örn — Thu, 18 Dec 2008 12:23:09 +0000

Frelsið er eins og lýðræðið og lýðræðið er eins og manneskjan og manneskjan er eins og naggrís og naggrísir eru eins og börnin mín og börnin mín eru eins og ég og ég er eins og labbandi auglýsing og auglýsingar eru eins og plötur Leoncie og Leoncie er eins og trúður og trúðurinn er eins og lítið barn og barnið er eins og ljósastaur í laginu og ljósastaurinn er eins og loftnet á þessum manngerða himni og himinninn er eins og hvolfþak, hellist yfir landið og landið er eins og gluggi inn í fortíð og framtíð og framtíðin er eins og fugl sem þú sérð í fjarska og fuglar eru eins og kartöfluflögur og kartaflan er eins og vinur minn og vinir eru eins og stjörnurnar og stjarnan er eins og máni og máninn er eins og bleik sigð og sigðin er eins og bros og brosið er eins og pósturinn og pósturinn er eins og endurómur af mótmælafundi og mótmælafundir eru eins og jarðarfarir og jarðarfarir eru eins og flestir Íslendingar og Íslendingar eru eins og Bandaríkjamenn og Bandaríkjamenn eru eins og þeir eru og þeir eru eins og ofsalegar hafsbylgjur sem freyða eigin smánarverkum og bylgjur eru eins og noregsströnd og ströndin er eins og allir okkar áfangastaðir og staðurinn er eins og klipptur út úr hugarheimi ævintýranna og ævintýrin eru eins og hryllingsmyndir og allar hryllingsmyndir eru eins.

Skoðanir þær sem fram koma í ljóði þessu eru alfarið á ábyrgð internetsins og öll líkindi við skoðanir höfundar skrifast á tilviljanakennt eðli veraldarinnar.

Ég var að líta yfir athugasemdir við Riddara niðurrifsins á Eyjunni og þar hafði einhver sett inn heila grein eftir sama mann, þar sem finna mátti upphafsorð ljóðsins hér fyrir ofan. Ég tók síðasta orðið og gúgglaði mig áfram (“manneskjan er eins og”), til að komast að því hvað það er, í heildarvitund mannsins, sem líkist öðru. Ljóðinu lauk af sjálfu sér.

X.

Eiríkur Örn — Thu, 23 Oct 2008 14:49:07 +0000

……………………………Er teikning til af sveltandi barni
………………………..taktu afrit af rifjahylkjum
…………………….nætursöltuð strjúpagrjón

………………fleygðu innkaupalistum í bremsuförin og geisp
……………hvernig Ísland getur orðið ríkasta land í heimi
…………á meðan enn eru fiskar á krónunni

………………………………………………………….Starfsmenn Stjórnarráðsins hafa nú
………………………………………………………….fengið sér að borða og samkvæmt
………………………………………………………….blaðamanni á staðnum má álykta
………………………………………………………….út frá lyktinni að það sé Kínamatur

Bankar ónefnt kvæði

Eiríkur Örn — Mon, 20 Oct 2008 12:05:37 +0000

Gakktu í bæinn

Hatar krosseignatengsl & hatar innistæður & hatar skuldirnar & hatar til að mynda leiguna & hatar reikningana & hatar snertingu & hatar & hatar & hatar hættusvæðið & hatar til að mynda strandstað & hatar fjármálakerfið & hatar gengishrunið & hatar utanríkisviðskipti & hatar eignabrunann & hatar rekstrarkostnað & hatar hrun fyrirtækja & hatar mannorð okkar í útlöndum & hatar orsakir & hatar & hatar & hatar berskjaldaðan gjaldmiðil & hatar að greina orsakir & hatar samræmda hagstjórn & hatar hugtök eins og jafnvægi og stöðugleika & hatar að kynda undir & hatar eftirspurnarþensluna & hatar ríkisbáknið & hatar spariræðuna & hatar bremsuna & hatar bindiskyldu & hatar gjaldeyrisvarasjóð & hatar tveggja kosta völ & hatar morgunfundarsnakk & hatar sjálfstæða peningamálastefnu & hatar spýtandi fjármagn & hatar til að mynda áhættufjármagn & hatar & hatar & hatar þjóðhagsstofnun & hatar & hatar & hatar sjálfskaparvíti & hatar erlenda seðlabanka & hatar eignabruna & hatar greiðsluviðskipti & hatar þjóðaróvin númer eitt & hatar velferðarkerfið & hatar aðhaldssemi & hatar erlendar skuldbindingar & hatar skattgreiðendur & hatar uppbyggingu & hatar skipbrot & hatar björgunarleiðangur & hatar áhöfnina & hatar ófarir & hatar að læra af reynslunni & hatar til að mynda dóm kjósenda & hatar vinda og veður kapítalismans & hatar umtalsverðar fjárhæðir & hatar heimatrúboðið & hatar eina merkilega þjóðfélagstilraun

Þakka kærlega fyrir komuna

Út með þig

Elskar alþjóðavæðinguna & elskar fjölmiðla & elskar lygaflóðið & elskar nornaveiðar & elskar hamfarir & elskar útrásarblöðrurnar & elskar Baug & elskar skattbyrði & elskar yfirlit yfir eignir og skuldir & elskar & elskar & elskar kröfuhafann & elskar þjóðarskútuna & elskar evruna & elskar þjóðarbúið & elskar íslenskt efnahagslíf & elskar til að mynda kvenlæg gildi & elskar djúphygli & elskar að fara á hausinn & elskar lífeyrissjóði & elskar & elskar & elskar auðlindir & elskar innviði & elskar ringulreið & elskar alþjóðaauðvaldið & elskar almenning & elskar góðærið & elskar skiljanlegar kröfur & elskar & elskar & elskar siðferðislegar spurningar & elskar til að mynda myntbandalag & elskar glímu íslenskra stjórnvalda & elskar Kaupþing & elskar fúlgur fjár & elskar útrásarfyllerí & elskar & elskar & elskar sama gamla tóbakið

Og láttu aldrei sjá þig hér aftur

Opnaðu gluggann, það er heitt

Þráir gullvild & þráir greiðsluþjónustu & þráir vildarklúbb & þráir framtíðarreikning & þráir þrískiptan sparnað & þráir viðbótarlífeyrissparnað & þráir eignastýringaþjónustu & þráir & þráir & þráir afkomuvernd & þráir námsvild & þráir að hanna sitt eigið debetkort & þráir vörðu & þráir til að mynda launavernd & þráir aukakrónur & þráir reglubundinn sparnað & þráir eignalífeyri & þráir bústólpa & þráir stjörnubók & þráir markaðsreikning & þráir & þráir & þráir kostabók & þráir framtíðarbók & þráir fjölskyldubók & þráir sjóðastýringu & þráir til að mynda hávaxtanetreikning & þráir fjárvörslureikning & þráir greiðslumat & þráir viðbótarsöfnun fríðinda & þráir afslátt af lántökugjöldum & þráir ókeypis fjármálafræðslu og –ráðgjöf & þráir til að mynda rýmri yfirdráttarheimild & þráir beinan aðgang að þjónustufulltrúa & þráir & þráir & þráir fría greiðsludreifingu & þráir krakkareikning & þráir að lifa áhyggjulaust ævikvöld

Lokaðu glugganum, það er kalt

Kveikið ljósin, það er myrkt

Óttast gjaldþrotaskipti & óttast innheimtuaðgerðir & óttast kröfur í þrotabú & óttast innheimtumenn ríkissjóðs & óttast árangurslausa fógetagerð & óttast & óttast & óttast lánardrottna & óttast nútímavergang & óttast að gjalda keisaranum það sem keisarans er & óttast til að mynda kyrrsetningu & óttast spottprís & óttast gjaldþrotameðferð & óttast skuldaröð & óttast skiptaráðanda & óttast brunaútsölu & óttast greiðslustöðvun & óttast veðsetta veðtryggingu & óttast & óttast & óttast þinglýst fasteignaveðbréf & óttast réttarstöðu ábyrgðarmanna & óttast kröfuhafa & óttast til að mynda fjármagnshreyfingar & óttast ofhitnun & óttast verðbólgu & óttast viðskiptahalla & óttast & óttast & óttast fjárlagahalla & óttast gjaldeyrisáhættu & óttast fastgengisstefnu & óttast útlánaaukningu & óttast vanskil & óttast til að mynda atvinnuleysi & óttast afskriftir & óttast fit-greiðslur & óttast ársfjórðungsuppgjör & óttast útlánatap & óttast innheimtustörf & óttast greiðsluhegðun & óttast & óttast & óttast baráttuna um ímynd Íslands

Slökkvið ljósin, það er háttatími

Sonnetta ort í tilefni yfirvofandi samninga við IMF

Eiríkur Örn — Sun, 19 Oct 2008 22:45:39 +0000

IMF! IMF! IMF! IMF! IMF! IMF! IMF! IMF! IMF! IMF!
OMG! OMG! OMG! OMG! OMG! OMG! OMG! OMG! OMG! OMG!
OMG! OMG! OMG! OMG! OMG! OMG! OMG! OMG! OMG! OMG!
IMF! IMF! IMF! IMF! IMF! IMF! IMF! IMF! IMF! IMF!

FME! FME! FME! FME! FME! FME! FME! FME! FME! FME!
FIT! FIT! FIT! FIT! FIT! FIT! FIT! FIT! FIT! FIT!
LOL! LOL! LOL! LOL! LOL! LOL! LOL! LOL! LOL! LOL!

Ljóðið birtist upphaflega í Dagblaðinu NEI! sem allir lesa, alltaf: www.dagbladidnei.blogspot.com .

Einhver fyndnasti pólitíski leikur vikunnar var útspil Jóns Baldvins í Silfrinu í dag um að Davíð – sem er líklega óvinsælasti maður landsins um þessar stundir, og hefur jafnvel verið hrækt af eigin flokksmönnum (hvað sem líður lélegri mætingu í mótmælin í gær) – væri að gera allt sem í sínu valdi stæði til að koma í veg fyrir að samningar yrðu gerðir við Alþjóða gjaldeyrissjóðinn. Hvort sem sú er skoðun Davíðs eður ei, er alveg ljóst að þetta útspil Jóns var fyrst og síðast ætlað til þess að vinna málstaðnum gagn.

Ég vil minna fólk á að IMF er ekki rekið af góðhjörtuðu fólki – þetta eru ekki fílanþrópistar heldur lobbíistar með djúp veski. IMF er ekki lækningin við frjálshyggju/kapítalisma. IMF er meiri frjálshyggja/kapítalismi. Og það er ekki einu sinni álitamál. IMF er flaggskip frjálshyggjunnar.

Það er raunar lýsandi fyrir leti (fáfræði?) íslenskra fjölmiðla að enginn skuli hafa gert samantekt á glæpum IMF. Var ekki einhver á DV að biðjast fyrirgefningar á því að hafa ekki staðið sig og lofa því að standa sig í framtíðinni? Hvar eru úttektirnar? Hvers vegna virðast mér Íslendingar algerlega fáfróðir um það hvað IMF hefur verið að fást við síðustu 40 árin?

Ég leyfi mér að vitna örstutt í nóbelsverðlaunahagfræðinginn Joseph Stiglitz:

"The IMF likes to go about its business without outsiders asking too many questions. In theory, the fund supports democratic institutions in the nations it assists. In practice, it undermines the democratic process by imposing policies. Officially, of course, the IMF doesn’t "impose" anything. It "negotiates" the conditions for receiving aid. But all the power in the negotiations is on one side–the IMF’s–and the fund rarely allows sufficient time for broad consensus-building or even widespread consultations with either parliaments or civil society. Sometimes the IMF dispenses with the pretense of openness altogether and negotiates secret covenants."

Svona bara svo fólk haldi ekki að ég sé að bera á borð einhverjar jaðarskoðanir. Þetta eru asnar, Guðjón, ekki hleypa þeim inn.

Strokleðurjakkaföt keisarans – ný erindi og lagfæringar

Eiríkur Örn — Thu, 14 Aug 2008 15:33:36 +0000

allir vinstrisinnaðir menn eru kommadjöflar
sturtuhausar & bavíanar með rafmagnsbyssur
nískupúkar í röndóttum íþróttagöllum með ennisband

sem skulu tæma alla vasa & henda sér á grúfu!
sem skulu tæma alla vasa & henda sér á grúfu!
sem skulu tæma alla vasa & henda sér á grúfu!

launaskrið námumanna verður ekki stöðvað með þjósti
líkt & borðedik jafnast víst ekki á við býflugnahunang
strandbátar flotskerja setjið andlit í gaupnir

áður en það verður um seinan!
áður en það verður um seinan!
áður en það verður um seinan!

slysabörn, ég man ekki hvar ég heyrði það fyrst
innanum glasamottur flúrlampa & göngugrindur
að stjaksetning sé skömm skárri en kjöldráttur

en það er sjálfsagt helvítis lygi!
en það er sjálfsagt helvítis lygi!
en það er sjálfsagt helvítis lygi!

stiftamtmenn með brjóstsykursnef í hverjum koppi
ofan í þoturákir kráka & vænglausra sjálfsmorða
í bráðabana við heldri borgara á drykkjuknæpum

uns hver einasti kjaftur er kominn í súr!
uns hver einasti kjaftur er kominn í súr!
uns hver einasti kjaftur er kominn í súr!

stríðalinn af ostum & sanseruðum tundurduflum
raular ræl í eigin eyru & lygnir höfgum augum
með væl í vara stað dýrðar kost & járnaðar iljar

af stað út í eilífðina!
af stað út í eilífðina!
af stað út í eilífðina!

djúpir varalitir sprengja heit & strengja kóralrifin
draga ýsur fyrir skrópaveika & legusára sjúklinga
blása úr nös & gefa svo í til að ekki fari hýran fyrir bí

híf opp & niður með siglutréð!
híf opp & niður með siglutréð!
híf opp & niður með siglutréð!

þetta er ráðherrann sem talar fyrir tómum sal
gefið mér samband við álfakóng hið snarasta
í valdastöðum víðast hvar eru stigamenn lofthræddir

& það brenna sólarljós á breiðum spjótum!
& það brenna sólarljós á breiðum spjótum!
& það brenna sólarljós á breiðum spjótum!

til þerris hengilmænur votar úr hyljum sjávar
á fúnum þurrkhjöllum tyrfðra stjórnsýsluhúsa
það er skafrenningur & ekki dögg fyrir sólu

því nú sleikja hundar blóð & lauga sig konur!
því nú sleikja hundar blóð & lauga sig konur!
því nú sleikja hundar blóð & lauga sig konur!

Strokleðurjakkaföt keisarans

Eiríkur Örn — Tue, 12 Aug 2008 15:31:02 +0000

Allir vinstrisinnaðir menn eru kommadjöflar,
sturtuhausar og bavíanar með rafmagnsbyssur,
nískupúkar í röndóttum íþróttagöllum með ennisband.

Sem skulu tæma alla vasa og henda sér á grúfu!
Sem skulu tæma alla vasa og henda sér á grúfu!
Sem skulu tæma alla vasa og henda sér á grúfu!

Launaskrið námumanna verður ekki stöðvað með þjósti
- líkt og borðedik jafnast víst ekki á við býflugnahunang –
strandbátar flotskerja setjið andlit í gaupnir!

Áður en það verður um seinan!
Áður en það verður um seinan!
Áður en það verður um seinan!

Slysabörn, ég man ekki hvar ég heyrði það fyrst
innanum glasamottur, flúrlampa og göngugrindur,
að stjaksetning sé skömm skárri en kjöldráttur.

En það er sjálfsagt helvítis lygi!
En það er sjálfsagt helvítis lygi!
En það er sjálfsagt helvítis lygi!

Ljóð dagsins: Íslensk eymd

Eiríkur Örn — Mon, 11 Aug 2008 10:36:42 +0000

Íslenska eymdarvísitalan (e. misery index) mælist nú 16,7%. Er mælikvarðinn á eymdina fundinn út, með því að leggja saman verðbólgustigið upp á 13,6% og atvinnuleysi upp á 3,1%.

Er Ísland hér í flokki með löndum Suður-Ameríku og fyrrum Austantjaldslöndum.

Af þeim um fimmtíu löndum sem mæld eru, telst eymdin minnst hjá frændþjóðinni Norðmönnum, 5,2%, en þar er verðbólga 3,4% og atvinnuleysi 1,8%. Mesta eymdin er svo í Venesúela, 41,3%, með 33,7% verðbólgu og 7,6% atvinnuleysi.

Afríka er ekki tekin með í mælingum.

Ljóð dagsins fannst hér.

Solshenitsín og kapítalisminn

Eiríkur Örn — Mon, 04 Aug 2008 16:33:30 +0000

Eindregin þjóðernishyggja hans, rétttrúnaður, fyrirlitning á kapítalisma og gagnrýni á rússnesku auðjöfrana sem keyptu upp rússneskan iðnað og auðlindir á spottprís í kjölfar hruns Sovétríkjanna, gerðu hann óvinsælan og hann datt úr tísku og hvarf af opinberum vettvangi.

Úr frétt mbl.is um Aleksander Solshenitsín. Eitt máttugasta bragð sem kapítalisminn hefur fundið upp á – í óendanlegri sjálfsbjargarviðleitni sinni og útsjónarsemi – er hunsunin, sem í bland við taumlausa heimskudýrkun veldur því að allt andóf sem einhverju máli skiptir hverfur í hylinn.

En nú er hann dáinn og því óhætt að kanónísera hann og ramma inn, kallinn sem kaffærði Stalín. Nú erum við góð og minnumst þess hvað allir voru vondir í gamla daga í kommúnismanum.

Hér er ljóð dagsins – það er tileinkað Solshenitsín og heitir Kapitalisminn: Ljóð .

Ljóð dagsins

Eiríkur Örn — Sun, 03 Aug 2008 15:45:24 +0000

Ljóð dagsins er Eiríkur Örn Norðdahl

Brandarablandarar V: Hvort sé rétt að leika guð í þessu máli

Eiríkur Örn — Mon, 23 Jun 2008 15:32:01 +0000

Fimmta ljóðið í stafrænum ljóðabálki mínum og Jóns Arnar Loðmfjörð nefnist Hvort sé rétt að leika Guð í þessu máli . Ljóðið er unnið upp úr gúgli á „málvillunni“ „hvort sé“. Ljóðið var tekið sem dæmi um „misbitastæðan“ kveðskap bókarinnar í dómi Kristrúnar Heiðu Hauksdóttur á Kistunni, og sagði: „Þessi höfundargjörð að henda tungumálinu í blandarann og týna svo ljóð upp úr gumsinu sýnir fram á fáránleikann í tjáningunni en verður útreiknanleg þegar líður á síðurnar. Höfundurinn fæst við orð en áherslan á merkinguna týnist í þessum óvæntu tengingum eða í það minnsta er örðugt fyrir lesandann að fóta sig í þessu sporti, leikurinn er kunnuglegur en lesandinn þekkir ekki reglurnar. Það er gott að vera fullur af ljóðum en maður verður ekki fullur af þessum kokteil þó það sé gaman að lesa bókina. Það er kannski ekki yfirlýst markmið ljóðalesturs að það eigi að vera gaman en titill þessa verks gefur það samt til kynna. Eiríkur hendir gaman að ljóðum og tungumálinu um leið. Reyndar klikkir hann út með tilvitnuninni á bókarkápunni: „Ágætis tilraunabókmennt en skortir allt fagurfræðilegt inntak“ og leggur gagnrýnandanum þar með orð í munn.“

Ljóðið má nálgast með því að smella hér.